Skaun kommunes kulturpris og kulturstipend for 2015 skal delast ut, og no ber kommunen om hjelp til å finne gode kandidatar.
Handballkeeper Kari Aalvik Grimsbø fekk kulturprisen i 2012, i 2013 fekk Mary og Bjørn Søbstad-Eide prisen, og Kjell Halvorsen fekk han i 2014. Kven fortener prisen for 2015?
Inspirasjon
Kulturprisen skal helst gå til enkeltpersonar busett i Skaun kommune, men kan gå til personar som på anna måte er knytt til kommunen. Grupper av personar, institusjonar og lag og organisasjonar kan òg motta kulturprisen.
Prisen er meint å vera til inspirasjon for aktive kulturarbeidarar, og den kan også tene som takk til kulturarbeidarar som har gjort eit stort arbeid i kulturlivet i Skaun.
Kulturstipend
Det årlege kulturstipendet er på 10 000 kroner. Aktuelle mottakarar av stipendet kan sjølve søke. Kulturstipendet skal inspirere og bidra til utdanning og utvikling for kulturarbeidarar.
Lag og organisasjonar blir spesielt oppfordra til å foreslå prisar og til å oppfordre aktuelle medlemmer til å søke om kulturstipendet. Fristen for å fremme kandidatar til kulturprisen og til å søke på kulturstipendet er 1. oktober.