tøy tölmo’e v.
Tolmod, tölmo’, er mangelvare hos mange. Somme kan sitte rolege og berre lytte eller sjå utan å miste fatningen av den grunn. Andre derimot sprett opp i illsinne for den minste ting. Skilnaden på desse to typane er at den første har langt tolmod og den andre har stutt tolmod.
Han med langt tolmod er i grunn ikkje noko problem, men han andre må lære å styre seg. Han må lære seg å tøy tölmo’e sitt.
Altså blir tydinga av dagens uttrykk utvide grensa for tolmodet sitt.