Laurdag blir Audun Krog Eftedal si bok om Medalssongen lansert. Utgjevar er Meldal historielag, og naturlegvis foregår boksleppet i Å samfunnshus.
Folkedjupet
Det var i Oppbygda at Olav og Anna Krog budde og arbeidde.
- Det er sannsynlegvis ingen bygdesong i landet som har en slik klangbotn i folkedjupet som det Medalssongen har, seier Audun Krog Eftedal.
Trekker fram Bessmor
Han er barnebarn av mannen som skreiv Medalssongen; Olav Krog, lærar og kulturmenneske.
- «Han Bessfar» var djupt og ekte opptatt av kultur og kulturhistorie, og formidlinga av Meldals folketru og kulturhistorie var den viktigaste grunnen til at han skreiv Medalssongen, seier Eftedal.
Det som òg er viktig for Audun Krog Eftedal, er å løfte fram bestemor Anna Krog.
- Bestefar skreiv Medalssongen, og han var ei ivrig og god formidlar av Meldals-kulturen gjennom heile livet. Men han hadde ei som stødde han i alt han dreiv med. Utan henne hadde ikkje han Bessfar greidd det han gjorde. Reint fysisk var han nokså makeleg anlagt, men det var ikkje ho Bessmor, som var 17 år yngre enn han, fortel Eftedal.
Meir enn 70 vers
Denne helga vert altså Medalssongen med kommentarar og forklaringer tilgjengeleg for alle - i ei bok som òg fortel om han som skreiv songen, og ho som gjorde dette mogleg for han, som det står på framsida av boka. Meir enn 70 vers av songen er trykt i boka; ein song som var i endring heilt til Olav Krog siste månader.
Meldal historielag ønsker alle vel møtt til boklansering i Å samfunnshus.