Ordboka 2. juli

tusen omole

Vi seier mye som verkar rart, men når vi tar til å ananlysere det, så er det kanskje meining i det likevel.

«Nei, det e no tusen omole at det ska vårrå så-son, læll!» seier vi og er mesta oppgjeven over kor tullut denne framkasta påstanden er.

Det vi meiner med å si det slik er at det vi nyss har høyrt verkar så urimeleg at det er ikkje til å tru.

Ja, så urimeleg er det at vi gongar det med tusen, og når det er tusen gongar umogeleg, da er det alldeles uråd.

Tusen omole er med andre ord ei kraftig forsterking av det vi meiner.